«Хизмати шоиста» ба иқтисодчиёни кишвар

Душанбе, 2.09.2014. (АМИТ «Ховар», Мавҷуда Анварӣ).- Роҳбари Муассисаи давлатии «Маркази миллии патенту иттилоот» Ҷамшед Қурбонов ва сармутахассиси раёсати ҳамкориҳои иқтисодии Вазорати рушди иқтисод ва савдо Раъно Набиева бо медали «Хизмати шоиста» мукофотонида шуданд. 
Маросими мукофотсупорӣ дар ҳамоиши имрӯзаи Вазорати рушди иқтисод ва савдо, ки ба Рӯзи Истиқлолияти кишвар бахшида шуда буд, баргузор гардид. 
Ҷаласаро вазири рушди иқтисод ва савдо Шариф Раҳимзода бо сухани муқаддимавӣ ифтитоҳ карда, сипас ёрдамчии Президенти Ҷумҳурии Тоҷикистон оид ба масъалаҳои иқтисодӣ Фаррух Ҳамрализода фармони Президенти Ҷумҳурии Тоҷикистонро ҷиҳати мукофотонидани кормандони вазорат қироат намуд.
Ҳамчунин ба як гурӯҳ кормандон ифтихорномаҳои Вазорати рушди иқтисод ва савдо супорида шуданд.