Хуҷанд: 88 нафар мукофотонида шуд
Душанбе, 5.09.2014. (АМИТ «Ховар», Мавҷуда Анварӣ).-Ҳамсола дар арафаи таҷлили ҷашни Истиқлолияти кишвар як зумра шахсони баруманд ва фаъолони соҳаҳои мухталифи шаҳри Хуҷанд бо Ифтихорномаи Мақомоти иҷроияи ҳокимияти давлатии шаҳри Хуҷанд сарфароз гардонида мешаванд.
Имсол 88 нафар пешқадамони корхонаю муассисаҳои шаҳри Хуҷанд, аз ҷумла 7 нафар корманди соҳаи маориф, 18 нафар корманди соҳаи тиб, 9 нафар аз соҳаи нақлиёт ва алоқа, 4 нафар корманди ҳифзи ҳуқуқ, 12 нафар омӯзгори муассисаҳои таълимии олӣ соҳиби ин мукофоти давлатӣ гардид.
Раҷаббой Аҳмадзода қабл аз ҳама ҳозиронро бо ҷашни 23-юмин солгарди Истиқлолияти Ҷумҳурии Тоҷикистон табрик намуда, ин хама ободонию пешравиро самараи истиқлолият маънидод кард.