Иқдоми экологии «Мо метавонем!»
Душанбе, 25.09.2014. (АМИТ «Ховар», Марҳабои Азамат). – Рӯзномаи «Вечёрка» — и пойтахт, Маркази фарҳангии «Аржанг» ва сохторҳои тиҷоратии онҳо бо дастгирии мақомоти иҷроияи ҳокимияти давлатии шаҳри Душанбе бахшида ба 90 – солагии пойтахт 11 ва 12 октябри соли ҷорӣ иди халқӣ ва иқдоми экологиро таҳти унвони «Мо метавонем!» роҳандозӣ менамоянд. Директори Маркази фарҳангии «Аржанг» Зафар Абдуллоев дар ин бора ба АМИТ «Ховар» хабар дод.
«Иқдоми экологӣ ва иди халқӣ 11 октябр дар майдони назди Маҷмааи нави тиҷоратии «Пойтахт – 90» оғоз меёбад», — гуфт Зафар Абдуллоев.
Ёдовар мешавем, ки раёсати пойтахт дар арафаи ин ид 11 октябрро рӯзи ҳашари умумишаҳрӣ эълон кардааст, ки он таҳти шиори «Мо метавонем!» баргузор мегардад.
Тарҷумон – Шарифзода М.