Ифтитоҳи мактаб-интернати махсус дар Исфара
Душанбе, 3.09.2014. (АМИТ “Ховар”, Ситораи Боймурод).- Бо дастгирии мақомоти маҳаллӣ Корхонаи кимиёвии шаҳри Исфара дар мактаб — инетернати махсуси қувваи босираашон сусти шаҳр бинои иловагии таълимиро бунёд намуд, ки дар Рӯзи дониш мавриди истифода қарор гирифт.Тавре ки дар ин бора хадамоти матбуоти раиси вилояти Суғд хабар додааст, барои бунёди ин бинои замонавии дорои ҳамаи шароити таҳсил аз ҳисоби даромади корхона 600 000 сомонӣ масраф шудааст ва сохтмони онро бинокорони корхона анҷом доданд.Ҳамакнун барои 80 нафар толибилми босираашон суст шароити зарурии таҳсил фароҳам оварда шуд.Зимнан, дар солҳои соҳибистиқлолии кишвар дар шаҳри Исфара 82 иншооти соҳаи маориф бо 14 000 ҷои нишаст ба истифода дода шуда, ҳоло сохтмони 4 мактаб идома дорад.