Ифтитоҳи устохонаҳои омӯзишӣ

Душанбе, 2.09.2014.(АМИТ «Ховар», Марзия Саидзода).- Дар Рӯзи дониш- 1 сентябр дар Донишкадаи ҷумҳуриявии такмили ихтисос ва бозомӯзии кормандони соҳаи маориф панҷ устохонаи омӯзишӣ барои омӯзгорони фанни технологияи меҳнат: дӯзандагӣ, таомпазӣ, коркарди чӯб, металл ва оҳан ифтитоҳ шуд, ки дар маросими он муовини вазири маориф ва илми кишвар Тоҷиниссо Маҳмадова иштирок намуд. Устохонаҳои омӯзишӣ дар доираи ҳамкориҳо бо созмони байналмилалии ҳамкориҳои Олмон (GIZ) ва аз ҳисоби маблағҳои барномаи минтақавии «Ислоҳоти соҳаи маориф дар кишварҳои Осиёи Марказӣ» созмон дода шудааст. Назар ба иттилои Эҳсон Хушвахтов-котиби матбуоти Вазорати маориф ва илми кишвар чунин марказҳои омӯзишӣ ба маблағи 75 ҳазор сомонӣ, дар маҷмӯъ, 450 ҳазор сомонӣ муодил ба 87 ҳазору 378 $ дар филиалҳои Донишкадаи ҷумҳуриявии такмили ихтисос ва бозомӯзии кормнадони соҳаи маориф дар Душанбе, Кӯлобу Қӯрғонтеппа, Хуҷанд ва Хоруғ кушода мешаванд.