Имзои созишномаи нав

Душанбе, 01.09.2014. (АМИТ «Ховар»). – Чанде  пеш  вазири  молияи  Тоҷикистон  Абдусалом  Қурбонов  ва намояндаи  доимии  Бонки  ҷаҳонӣ  дар  Тоҷикистон Марша  Олив дар  шаҳри  Душанбе созишномаро  аз рӯи  лоиҳаи  «Тиҷоратсозии  кишоварзӣ» имзо намуданд.
Тавре  ки  аз котиботи Вазорати  молияи  ҶТ  хабар  доданд, ҳадафи  лоиҳа вусъат  бахшидани тиҷоратсозии  маҳсулоти кишоварзӣ  бо  василаи афзун  намудани  самарабахшии  фаъолияти  бахшҳои  алоҳида ва  вусъат  додани фаъолияти ширкатҳои  истеҳсолӣ мебошад. 
Маблағи  умумии  лоиҳа 25  миллиону 920  ҳазор  доллари ИМА – ро ташкил  медиҳад. 
Лоиҳаи  мазкур  қариб  16  ҳазор истифодабарандаро фаро  мегирад, ки  на  камтар  аз 30  фоизи онро  бояд  занон ташкил  диҳанд. 
Истифодабарандагони лоиҳа  асосан вилоятҳои  Хатлону  Суғд  ва  ноҳияҳои тобеи  ҷумҳурӣ  маҳсуб  меёбанд.
Лоиҳа  то  соли  2021  дар  амал татбиқ  мешавад.