Истиқболи 90-солагии Душанбе бо базми идона

Душанбе, 22.09.2014.(АМИТ «Ховар», Марзия Саидзода).- Ҷашни 90-солагии Душанбе дар нимаи дуюми моҳи октябр таҷлил  мешавад.  Дар робита ба ин дар ҷаласаи шаҳрдорӣ зикр шуд, ки тибқи муқаррарот 18 октябр дар «Кохи Ваҳдат»-и пойтахт ҷаласаи тантанавӣ ва консерти идона башида ба 90-солагии пойтахт доир гардида, дар нимаи дуюми ҳамон рӯз дар чор боғи фарҳангу фароғатии шаҳр тантанаҳо ба ифтихори ҷашни 90-солагии Душанбе барпо мешаванд.
     19 октябри соли равон дар боғи Наврӯзгоҳ сокинон ва меҳмонони Душанберо карнавали идона интизор аст. Ҷиҳати дар сатҳи баланд истиқбол намудани ҷашни 90-солагии пойтахт    ва тозагию ободонии он дар ҷаласаи шаҳрдорӣ қарор шуд, ки ҳар ҳафта рӯзҳои шанбе дар пойтахт ҳашари умумишаҳрӣ бо ҷалби  сокинон ва идораю муассисаҳо ташкил шавад.