Кӯлоб: Омодагӣ ба ҷашни Истиқлол
Кӯлоб, 04.09.2014. (АМИТ «Ховар», Сулаймони Хол).-Дар шаҳри Кӯлоб ва ноҳияҳои минтақаи он ташкилоту корхона ва муассисаҳои таълимию фарҳангӣ ва тандурустӣ барои сазовор истиқбол намудани ҷашни 23-юмин солгарди Истиқлолияти давлатии Ҷумҳурии Тоҷикистон корҳои ободонию созандагиро вусъат мебахшанд. Кормандони ин муассисаҳо ба ҳашар баромада, дар тозаю озода намудани муҳити зист саҳм мегузоранд.
Дар давоми як моҳи охир кормандони боғи Исмоили Сомонӣ бо маблағгузории ҳокимияти давлатӣ саҳнаи амфитеатр ва нишастгоҳҳои онро, ки барои 10 ҳазор тамошобин пешбинӣ шудааст, аз таъмир бароварда, барои гузаронидани маъракаҳои сиёсию фарҳангӣ ва фароғатӣ омода намуданд. Барои истироҳату фароғати шаҳрвандон дар атрофи амфитеатр гулҳои муаттару дарахтон ва буттаҳои ҳамешасабзро парвариш мекунанд. Роҳбарияти боғи мазкур мушкили таъмини оби нӯшокиро ҳал кардаанд, ки ин ба сабзиши ниҳолу гул ва хуррамии боғ мусоидат мекунад. Инчунин соли ҷорӣ беш аз 40 адад нишастгоҳ сохта шуд, ки сокинон метавонанд аз он истифода баранд. То рӯзи ҷашн дар роҳрав ва хиёбону гулгаштҳои боғ шиору овезаҳо насб мешаванд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






