Конститутсия – кафили ҳуқуқи шаҳрвандон ба таҳсил
Душанбе, 26.09.2014. (АМИТ «Ховар», Раъно Нусратуллозода).- 24 сентябр бахшида ба 20-умин солгарди рӯзи қабули Конститутсия (Сарқонун)-и Ҷумҳурии Тоҷикистон дар Донишкадаи молия ва иқтисоди Тоҷикистон бо ибтикори раёсати илм, факултаи менеҷмент ва ҳуқуқи иқтисодӣ, кафедраҳои ҳуқуқи иқтисод ва молиявӣ ва фанҳои гуманитарӣ дар мавзӯи «Конститутсия – кафили ҳуқуқи шаҳрвандон ба таҳсил» конфронси илмӣ-назариявӣ доир гардид.
Тавре ки котиби матбуоти донишкада Машҳура Абдуллоева иттилоъ дод, дар конфронс декани факултаи менеҷмент ва ҳуқуқи иқтисодӣ Ҷурахон Шарипов зикр намуд , ки Сарқонуни Ҷумҳурии Тоҷикистон барои рушду инкишофи ҷомеа асос буда, ҳамаи санадҳои меъёрию ҳуқуқӣ аз он сарчашма мегиранд.
Ғиёсиддин Ашӯров, муовини ректор оид ба илм иштирокчиёни конфронсро бо ин ҷашни муборак табрик намуда, аз ҷумла зикр намуд, ки Ҷумҳурии Тоҷикистон арзиши умумибашарӣ доштани таҳсилотро тавассути Конститутсияи кишвар муқаррар карда, кафолат додааст ва баҳри фарогирии тамоми аҳолии кишвар ба ин бахши муҳими ҷомеа тамоми тадбирҳои аввалиндараҷаро меандешад. Сарқонуни Ҷумҳурии Тоҷикистон дар баробари дигар арзишҳои миллӣ ва умумибашарӣ кафолати таҳсилотро, ки яке аз самтҳои муҳими иҷтимоии ҷомеа ба ҳисоб меравад, дар худ мустаҳкам намуда, ба кулли аҳолии кишвар кафолат додааст, илова намуд мавсуф.
Баъдан аз рӯи барнома устодону донишҷӯёни донишкада маърӯзаҳои пурмуҳтаво намуданд.
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
