Маҳфили «Коршиноси иқтисодӣ» дар ДМИТ
Душанбе, 29.09.2014. (АМИТ «Ховар», Раъно Нусратуллозода).-Маҳфили навбатии илмӣ-амалии «Коршиноси иқтисодӣ», ки 27 сентябр дар Донишкадаи молия ва иқтисоди Тоҷикистон доир гардид, масъалаҳои буҳрон ва таҳримҳо дар шароити мувозинати макроиқтисодии Тоҷикистонро мавриди мунозираи илмӣ қарор дод.
Тавре ки номзади илмҳои иқтисодӣ, котиби маҳфили «Коршиноси иқтисодӣ» Саъдихоҷа Маъдиев иттилоъ дод, дар маҳфил ректори донишкада Ашурбой Солиев мубрам будани мавзӯи баррасишавандаро зикр карда, аз ин ҳолати буҳронҳо ба манфиати иқтисоди кишвар истифода бурда тавонистанро махсус таъкид кард. Аз ин хотир тасмим гирифта шуд, ки оид ба таъсири омилҳои берунии буҳронӣ ва таҳрим ба рушди иқтисодиёти Ҷумҳурии Тоҷикистон таваҷҷуҳи ҳозиринро ба истодагарӣ дар роҳи тадқиқоти илмӣ ва баҳодиҳӣ даъват намоем.
Дар маҳфил маърӯзаи ноиби ректор оид ба муносибатҳои байналмилалӣ Баҳром Сафаров дар мавзӯи «Буҳронҳо ва таҳримҳо дар шароити мувозинати макроиқтисодии Ҷумҳурии Тоҷикистон» шунида шуд. Аз тарафи баромадкунанда вазъи иқтисодиёти ҷаҳон ба тариқи таҳаввулот шарҳ ёфта, бо назардошти хусусиятҳои давравии онҳо дар минтақаҳои алоҳидаи ҷаҳон бо факту рақамҳои мушаххас баҳогузорӣ гардид.
Ҳамзамон оид ба иқтисодиёти Федератсияи Русия ва Иттиҳоди Аврупо бо вазъи муносибатҳои иқтисодии байни субъектҳои номбаршуда фикрҳо арзёбӣ гардид. Дар хотима мавсуф оид ба пешгирӣ ва камгардонии таъсири манфии вазъи буҳронӣ ва таҳримҳо, бобати истифода аз имкониятҳои то ҳол истифоданашуда дар кишвар барои таъмини мувозинати макроиқтисодии Тоҷикистон пешниҳодҳои мушаххас намуд.
Дар музокира ректор Ашурбой Солиев аз ҷумла зикр намуд, ки дар баробари саъю кӯшишҳои соҳибкорони ватанӣ,моро лозим аст,ки барои баланд бардоштани рақобатпазирӣ ва сифати мол ва содирот намудани он ба бозорҳои хориҷӣ, истифодаи технологияи бандубасткунӣ, алалхусус бо сафарбаркунии иқтидори «Технопарк»-и ДМИТ-ро васеъ ба роҳ монем.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






