Маркази матбуотӣ дар КМТ фаъол аст

Сентябрь 11, 2014 11:03

Душанбе, 11.09.2014 (АМИТ «Ховар», Некрузи Муҳаммадсодиқ).- Дар доираи нақшаи чорабиниҳо оид ба омодагӣ ва баргузории ҷаласаи Шӯрои сарони давлатҳои аъзои Созмони Ҳамкории Шанхай, ки рӯзҳои 11 ва 12 сентябри соли 2014 дар шаҳри Душанбе баргузор мегардад, дар Китобхонаи миллии Тоҷикистон (КМТ) Маркази матбуоти ҷаласаи номбурда ташкил шудааст. 
   Барои инъикоси чорабинии мазкур, сари вақт дастрас намудани маълумоти кофӣ аз ҷараёни баргузории ҷаласаҳои он, таҳияи мақолаю гузоришҳо, анҷом додани сабтҳои аудио ва видео дар Маркази матбуот барои рӯзноманигорон шароитҳои зарурӣ фароҳам оварда шудаанд. Бо ин мақсад ҷараёни баргузории ҷаласаи Шӯрои сарони давлатҳои аъзои Созмони Ҳамкории Шанхай дар Маркази матбуот мустақиман пахш мегардад. Дар навбати худ хабарнигорони дохилӣ ва хориҷӣ бо истифода аз таҷҳизоти замонавӣ ва баландсуръат маводи заруриро дастрас намуда, метавонанд гузоришҳои худро дар як муҳлати кӯтоҳ барои пахш ирсол кунанд.
  Бояд зикр кард, ки масъулини Маркази матбуотӣ барои фаъолияти пурсамари намояндагони воситаҳои ахбори омма 160 адад компютери пайваст ба шабакаи интернети баландсуръат, 200 нуқтаи дастрасӣ ба шабакаи интернети беноқил (WIFI), 11 адад дастгоҳи чопӣ ва нусхабардорӣ, 6 адад монитор барои тамошои мустақими ҷаласаи Шӯрои сарони давлатҳои аъзои Созмони Ҳамкории Шанхай, 8 адад дастгоҳи факсу телефони байналмилалӣ ва ду адад таҷҳизоти тақсимкунандаи видео ва аудиоро, ки ҳар яке дорои 20 нуқтаи пайвастшавӣ мебошад, насб ва пешниҳоди рӯзноманигорон гардонидаанд. 

Сентябрь 11, 2014 11:03

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд