Муҳокимаи «Кӯкнор — 2014» дар Суғд
Душанбе, 30.09.2014. (АМИТ “Ховар”, Мавҷуда Анварӣ).-Имрӯз дар раёсати Агентии назорати маводи нашъаовар дар вилояти Суғд ҷаласаи навбатии ситоди кории амалиёти «Кӯкнор-2014» оид ба ҷамъбасти марҳилаи якуми амалиёт дар қаламрави вилояти Суғд таҳти сарварии муовини якуми раиси вилояти Суғд Ҷ.Р. Сангинов бо иштироки сардорони ситодҳои кории вилоятии мақомоти ҳифзи ҳуқуқ ва ҳукуматҳои шаҳру ноҳияҳои вилояти Суғд баргузор гардид.
Сардори РАНМН М.М. Ҳотамӣ таъкид кард, ки аз 20 май то 31 августи соли ҷорӣ зимни гузаронидани марҳилаи якуми амалиёти «Кӯкнор-2014» ҳамагӣ 46 парвандаи ҷиноятӣ марбут ба гардиши ғайриқонунии маводи нашъаовар ба қайд гирифта шуд. Аз гардиши ғайриқонунӣ зиёда аз 128 кг воситаи нашъаовар (нисбат ба ҳамин давраи амалиёти «Кӯкнор-2013» 57 кг 680,59 грамм зиёд), аз ҷумла 61 кг героин, 15 кг афюн, 52 кг 100,6 грамм гурӯҳи бангдона мусодира шуд. Аз тарафи гурӯҳҳои фаврӣ-ҷустуҷӯии созмоншуда, 56 ҳодисаи сабзиши бангдонаи худрӯй ошкор гашта, зиёда аз 1 миллион растании худрӯи бангдона дарёфт ва бо роҳи сӯзонидан нобуд карда шуд.
Тибқи иттилои АНМН соли гузашта дар ҷараёни амалиёти «Кӯкнор-2013» аз ҷониби гурӯҳҳои фаврӣ-ҷустуҷӯии созмондодашуда 46 ҳодисаи сабзиши бангдонаи худрӯй ошкор шуда, дар майдони 9,87 гектар зиёда аз 800 ҳазор бех растании худрӯйи бангдона дарёфт шуда, бо роҳи оташ задан нест карда шуд.
Дар ҷаласаи мазкур дастовардҳо ва камбудиҳои ҷойдоштаи марҳилаи якуми амалиёти «Кӯкнор — 2014» дар қаламрави вилояти Суғд мавриди муҳокима қарор дода шуданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






