Мукофотҳо бахшида ба Рӯзи Истиқлол

Душанбе, 6.09.2014. (АМИТ «Ховар», Зарангези Латиф).- Ҳамасола дар арафаи таҷлили ҷашни Истиқлолияти кишвар як зумра шахсони баруманд ва фаъолони соҳаҳои мухталифи шаҳри Хуҷанд бо Ифтихорномаи мақомоти иҷроияи ҳокимияти давлатии шаҳри Хуҷанд сарфароз гардонида мешаванд.Имсол низ 88 нафар пешқадамони корхонаю муассисаҳои шаҳри Хуҷанд, аз ҷумла 7 нафар корманди соҳаи маориф, 18 нафар корманди соҳаи тиб, 9 нафар аз соҳаи нақлиёт ва алоқа, 4 нафар корманди ҳифзи ҳуқуқ, 12 нафар омӯзгори муассисаҳои таълимии олӣ соҳиби ин мукофоти давлатӣ гардид.Ба иттилои хадамоти матбуоти раиси вилояти Суғд, раиси шаҳри Хуҷанд Раҷаббой Аҳмадзода қабл аз ҳама ҳозиронро бо ҷашни 23-юмин солгарди Истиқлолияти Ҷумҳурии Тоҷикистон табрик намуда, ин ҳама ободонию пешравиро самараи истиқлолият маънидод кард.