Мулоқоти Қоҳир Расулзода бо Гуо Жэнсян

Дирӯз  Сарвазири мамлакат Қоҳир Расулзода бо раиси идораи Ширкати байналмилалии коркарди нафти Ҷумҳурии Мардумии Чин Гуо Жэнсян мулоқот кард.Дар мулоқот масоили вобаста ба таҳкими ҳамкориҳои дуҷониба дар соҳаи коркарди нафт ва маҳсулоти нафтӣ баррасӣ шуданд.Ҷонибҳо зимни мулоқот асосан рафти татбиқи лоиҳаи сохтмони корхонаи коркарди нафтро дар ноҳияи Данғараи вилояти Хатлон муҳокима намуданд. Корхонаи мазкур дар минтақаи озоди иқтисодии «Данғара» бунёд гардида, тибқи нақша дар оянда бо иқтидори коркарди 1 млн 200 ҳазор тонна нафт дар як сол фаъолият хоҳад кард. Мувофиқи лоиҳа ин корхона дар семоҳаи охири соли 2015-ум ба истифода дода мешавад.