Мулоқоти Марҳабо Ҷабборӣ бо котиби генералии Маркази Конфутсий

Душанбе, 13.09.2014. (АМИТ “Ховар”. -Имрӯз муовини Савазири Ҷумҳурии Тоҷикистон Марҳабо Ҷабборӣ котиби генералии Маркази Конфутсий Сйю Лийро, ки дар доираи баргузории чорабиниҳои Созмони ҳамкории Шанхай ба Ҷумҳурии Тоҷикистон ташриф овардааст, ба ҳузур пазируфт.Зимни мулоқот аз дастовардҳои бамиёномадаи фаъолияти Маркази Конфутсий дар Тоҷикистон, ки алҳол дар Донишгоҳи миллии Тоҷикистон фаъолият дорад, изҳори қаноатмандӣ карда, ҷиҳати рущди фаъолияти ин марказ ва дар ин замина васеъ ба роҳ мондани омӯзиши забони хитойӣ ибрози андеша карда шуд. Зикр гардид, ки бо мақсади фароҳам овардани шароит барои омӯзиши забони хитойӣ таъсиси боз як Маркази Конфутсий дар назди Донишгоҳи кӯҳӣ – металургии Тоҷикистон дар шаҳри Чкалови вилояти Суғд қобили дастгирӣ мебошад. Ин имконият медиҳад, ки дар ширкатҳои чинӣ, ки дар ҳудуди Тоҷикистон фаъолият доранд, шаҳрвандони маҳаллӣ низ баъди аз худ кардани забони хитойӣ озодона кор кунанд.Мулоқоти дар сатҳи баланд баргузор шуд.