Мулоқоти С.Аслов бо намояндагони Бонки Ҷаҳонӣ
Душанбе, 5.09.2014 (АМИТ «Ховар»).- 4 сентябри соли 2014 вазири корҳои хориҷии Ҷумҳурии Тоҷикистон Сироҷидин Аслов директори минтақавии Бонки ҷаҳонӣ дар Осиёи Марказӣ Сароҷ Кумар Ҷа ва Намояндаи доимии тозатаъйини он бонк дар Тоҷикистон Патрисия Виверс-Картерро ба ҳузур пазируфт.
Дар оғози мулоқот Сароҷ Кумар Ҷа Намояндаи доимии тозатаъйини Бонки Ҷаҳонӣ дар Тоҷикистон Патрисия Виверс-Картерро муаррифӣ кард.
Зимни мулоқот ҷонибҳо дар робита ба масъалаҳои миллӣ ва минтақавӣ, ҳамкориҳои судманд миёни Бонки ҷаҳонӣ ва Ҷумҳурии Тоҷикистон, аз ҷумла татбиқи «Стратегияи нави Бонки ҷаҳонӣ барои солҳои 2015-2018» ва тарҳҳои сармоягузорӣ дар соҳаҳои такмили идораи давлатӣ, бахши хусусӣ, инфрасохтор, энергетика, кишоварзӣ, тандурустӣ, маориф ва дигар соҳаҳо табодули назар намуданд.
Вазири корҳои хориҷӣ ҳамзамон дар навбати худ зимни изҳори қаноатмандӣ аз сатҳ ва натиҷаҳои ҳамкориҳои дуҷониба бо Бонки ҷаҳонӣ, Намояндаи доимии тозатаъйини он бонк дар Тоҷикистон Патрисия Виверс-Картерро ба Тоҷикистон хайра мақдам гуфт ва барои фаъолияти минбаъдаи мавсуф дар ин вазифа муваффақият орзу намуд.
Имрӯз дар Тоҷикистон ҳавои тағйирёбанда пешгӯӣ шуда, дар баъзе ноҳияҳо борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
Мегафон Тоҷикистон: акнун сӣ «Устоди алоқа»!
