Мулоқоти Шукурҷон Зуҳуров бо Кристоф Бернасконӣ
Душанбе, 25.09.2014.(АМИТ «Ховар», Марзия Саидзода).- «Ҳамроҳшавии Ҷумҳурии Тоҷикистон ба Конвенсияи Гаага барои Тоҷикистон қадами муҳим ба сӯи унификатсия (мутобиқсозӣ)-и қонунгузории миллӣ дар ин соҳа бо принсипҳои хусусию ҳуқуқии байналмилалӣ, инчунин мусоидат ба иштироки фаъолонаи намояндагони ваколатдори Ҷумҳурии Тоҷикистон дар Конфронси Гаага оид ба ҳуқуқи хусусии байналмилалӣ хоҳад буд». Ин матлабро Шукурҷон Зуҳуров -раиси Маҷлиси намояндагони Маҷлиси Олии Ҷумҳурии Тоҷикистон дар ҷараёни мулоқоташ бо Кристоф Бернасконӣ- Дабири кулли Конфронси Гаага оид ба ҳуқуқи байналмилалии хусусӣ 25 сентябр дар Душанбе зикр кард.
Шукурҷон Зуҳуров иброз дошт, ки аз соли 2007 инҷониб Ҷумҳурии Тоҷикистон ҷиҳати ҳамроҳшавӣ ба Конвенсияи Гаага иқдом менамояд. Аз январи соли 2013 то ба имрӯз дар Ҷумҳурии Тоҷикистон гурӯҳи кории байниидоравӣ ҷиҳати ҳамроҳшавӣ ба Конвенсияи Гаага оид ба бекор намудани таъйиди ҳуҷҷатҳои расмии хориҷӣ фаъолона амал мекунад, ки ба ҳайати он намояндагони вазорату идораҳои марбутаи кишвар шомил аст. Зикр шуд, ки тавсияҳо барои Ҷумҳурии Тоҷикистон бо мақсади ҳарчи зудтар ҳамроҳ шудани Тоҷикистон ба Конвенсияи мазкур таҳия шудаанд.
Кристоф Бернасконӣ- Дабири кулли Конфронси Гаага оид ба ҳуқуқи байналмилалии хусусӣ изҳори умедворӣ карда гуфт, ки зимни раёсати Шукурҷон Зуҳуров дар ин мақоми олии қонунгузори Тоҷикистон заминаи мусоид барои тақвияти ҳамкориҳои Ҷумҳурии Тоҷикистон бо ҳамаи бахшҳои Конфронси Гаага оид ба ҳуқуқи байналмилалии хусусӣ ба вуҷуд хоҳад омад.
К. Бернасконӣ афзуд, ки дар сурати қабул шудани Ҷумҳурии Тоҷикистон ба Конвенсияи Гаага дар рӯйхати ин конфронс Тоҷикистон зинаи 145-умро ишғол менамояд.
Бо мақсади тақвияти рушди содирот ба бозори ҷаҳонӣ бо хоҷагидорони ноҳияи Ҷайҳун вохӯрӣ доир шуд
ДАРАХТ БИНШОН! Дар Ишкошим 300 бех ниҳоли гуногуни мевадиҳанда шинонида шуд
Дар шаҳри Бӯстон бо сокинони маҳаллаи «Ғалаба» мулоқоти судманд баргузор гардид
Ба воҳидҳои Кумитаи ҳолатҳои фавқулода ва мудофиаи граждании Тоҷикистон техникаи нав супорида шуд
Имрӯз дар Тоҷикистон ҳавои абрнок пешгӯӣ мешавад
Дар Донишгоҳи давлатии ҳуқуқ, бизнес ва сиёсати Тоҷикистон доир ба ҳифзи арзишҳои миллӣ ҳамоиш доир шуд
Дар Вашингтон дар назди мактаб тирпаронӣ ба амал омад
Гурӯҳи кории Кумитаи меъморӣ ва сохтмони Тоҷикистон дар шаҳрҳои Дубай ва Давҳа табодули таҷриба намуд
Ҳамкории байналмилалии Донишгоҳи технологии Тоҷикистон бо шарикон тақвият меёбад
Дар Кения шумораи бар асари бориши зиёд ҳалокшудагон аз 200 нафар гузашт
Маркази тадқиқоти стратегии Тоҷикистон ҳамкориро бо Пажуҳишгоҳи нидерландии «Клингендаел» тавсеа мебахшад
Имрӯз дар Тоҷикистон ҳавои тағйирёбандаи бебориш пешгӯӣ мешавад
