Мусобиқаи ҷашнӣ миёни хизматчиёни ҳарбӣ
Душанбе, 04.09.2014. (АМИТ «Ховар», Раъно Нусратуллоева ).-Бахшида ба 23-юмин солгарди Истиқлолияти давлатӣ дар қисми ҳарбии 01972-и вилояти Суғд мусобиқаи ҳарбӣ-варзишӣ байни хизматчиёни қисмҳои ҳарбии гарнизони Суғд, ки 3 рӯз ҷараён дошт, имрӯз ҷамъбаст гардид.
Тибқи иттилои Хадамоти матбуоти раиси вилояти Суғд мусобиқа аз рӯи чор намуди варзишӣ миёни 12 даста гузаронида шуда, бо нишондодҳои умумӣ ҷои аввал насиби қисми ҳарбии 08362 гардид ва ҷойҳои баъдиро қисмҳои ҳарбии 02267 ва 08941 касб намуданд.
Муовини комиссари ҳарбии вилояти Суғд, полковник Боймурод Холмуродов ва мудири бахши ҷавонон, варзиш ва сайёҳии шаҳри Чкалов -Ҳасан Раҷабов иштирокчиёни мусобиқаро бо фарорасии ҷашни Истиқлолияти давлатӣ табрик намуда, ғолибонро бо туҳфаҳои Раёсати ҷавонон, варзиш ва сайёҳии вилоят қадрдонӣ намуданд.