Мусодираи героин аз сумкаи варзишӣ

Душанбе, 19.09.2014. (АМИТ «Ховар», Лайло Тоирӣ).-Зимни  гузаронидани чорабиниҳои фаврӣ-ҷустуҷӯӣ кормандони РВКД дар шаҳри Душанбе дар кӯчаи Қарабоеви пойтахт ҳамчун гумонбар дар муомилоти ғайриқонунии маводи мухаддир капитани милитсия Раҷабов Ҷамолиддин Саидбурҳонович, соли таваллудаш 1987, сокини шаҳри Душанбе, нозири калони гурӯҳи кадрҳо ва кор бо ҳайати шахсии Раёсати мубориза бар зидди ҷиноятҳои муташаккили Вазорати корҳои дохилӣ ва лейтенанти калони милитсия Ғаюров Далер Аномуддинович, соли таваллудаш 1988,  нозири шуъбаи кадрҳо ва кор бо ҳайати шахсии баталёни Хадамоти «Муҳофиза»-и ВКД Ҷумҳурии Тоҷикистон дастгир карданд. 
Ҳангоми азназаргузаронии мошини тамғаи «Тайота-Кемри», рақами давлатиаш 90-35 ВМ 01 РТ, ки Ҷ.Раҷабов идора мекард, аз дохили бағоҷи он сумкаи варзишӣ бо  бастаҳои селофанӣ дарёфт гардид. дар дохили бастаҳо  тақрибан 17 килограмм маводи нашъадори навъи героин  дарёфт ва мусодира карда шуд.
Аз рӯи ин ҳодиса парвандаи ҷиноӣ оғоз гардида, тафтишот идома дорад.