Мусодираи героин дар шимоли мамлакат

Душанбе, 03.09.2014. (АМИТ «Ховар», Муқаддас Темурзода).- Дирӯз, ҳангоми гузаронидани чорабиниҳои фаврӣ-ҷустуҷӯӣ дар ҳудуди ноҳияи Бобоҷон Ғафурови вилояти Суғд кормандони милитсия мошини тамғаи “ВАЗ-2121” таҳти идораи ронанда Худойдод Комилов, соли таваллудаш 1973, истиқоматкунандаи ноҳияи Мастчоҳро боздошт намуданд. 
ВКД ҶТ хабар медиҳад, ки ҳангоми азназаргузаронии мошини мазкур аз бағоҷи он 14 кг 616 грамм маводи сахттаъсири героин дарёфт ва мусодира шуд. 
Нисбат ба далели мазкур парвандаи ҷиноятӣ оғоз гардида, тафтиш дар ин самт идома дорад.