Нуқтаи ҳифзи тартиботи ҷамъиятӣ дар Спитамен

Хуҷанд, 10.09.2014. (АМИТ “Ховар”, Абдуаҳад Шарифзода).-Дар рӯзҳои таҷлили Истиқлолияти миллӣ дар ноҳияи Спитамени вилояти Суғд баъди таъмиру таҷдид бо дастгирии мақомоти иҷроияи ҳокимияти давлатии маҳаллӣ ва бо харҷи наздик ба 20 ҳазор сомонӣ дар маркази ноҳия- шаҳраки Нов утоқи нозирони минтақавӣ ба истифода дода шуд. Тавре ки ба хабарнигори мо дар Суғд роҳбари маркази матбуоти РВКД дар вилояти Суғд, лейтенанти калони милитсия Акбар Шарипов иттилоъ дод, икдоми мазкур «Дар дораи тадбирҳои баланд бардоштани нақши нозирони минтақавии милитсия дар таъмини тартиботи ҷамъиятӣ ва тавсеаи ҳамкории онҳо бо аҳолӣ» роҳандозӣ шудааст. Дар минтақаи хизматии мазкур ҳамаи шароитҳо, аз қабили таҷҳизоти зарурии хизматӣ- техникаи компютерӣ, воситаи алоқа, кондитсионер, мизу курсӣ, ҷевон муҳайё шудаанд, ки дар оянда баҳри пешбурди хизмати кормандони он мусоидат хоҳад кард.Ин дуюмин нуқтаи ҳифзи тартиботи ҷамъиятӣ мебошад, ки бо иқдоми раиси ноҳияи Спитамен баҳри таъмини шароити кории нозирони минтақавӣ аз таъмири куллӣ бароварда шудааст.