Оғози муcобиқа оид ба бокс дар ноҳияи Бобоҷон Ғафуров

 
Душанбе, 26.09.2014. (АМИТ Ховар, Ситораи Боймурод).- Дирӯз дар варзишгоҳи Хистеварзи ноҳияи Бобоҷон Ғафуров мусобиқаи кушод оид ба бокс бахшида ба 100 — солагии Қаҳрамони Иттиҳоди Шӯравӣ Ҳодӣ Кенҷаев оғоз шуд.
 
Тавре ки дар ин бора хадамоти матбуоти раиси вилояти Суғд хабар додааст, мусобиқоти мазкур байни наврасони 15-16 сола аз рӯи 13 вазн гузаронида шуда, дар он 13 даста: 10 даста аз шаҳру навоҳии вилоят, 1 даста аз шаҳри Душанбе, 1 даста аз Вилояти Мухтори Кӯҳистони Бадахшон ва 1 даста аз вилояти Ҷалолободи Ҷумҳурии Қирғизистон рақобат хоҳанд кард.