Оғози сафари давлатии Си Ҷинпин ба Тоҷикистон
Душанбе, 13.09.2014. (АМИТ «Ховар», Бекназари Абӯбакр).- Ин лаҳзаҳо дар назди Қасри Миллат маросими истиқболи расмии Раиси Чумҳурии Мардумии Чин Си Ҷинпин бо тантана ҷараён дорад. Ба ин муносибат дар саҳни ҳавлии Қасри Миллат парчамҳои давлатии Тоҷикистону Чин афрохта шуда, Горди фахрӣ ва оркестри асбобҳои нафасӣ саф оростаанд.Меҳмони олимақом-Раиси Ҷумҳурии Мардумии Чин Си Ҷинпинро Сарвари давлати Тоҷикистон Эмомалӣ Раҳмон истиқбол гирифта, ба болои минбари ифтихорӣ даъват намуд.Тибқи муқаррароти сафарҳои давлатӣ фармондеҳи Горди фахрӣ ба меҳмони олимақом гузориш дод ва сурудҳои миллии ҳарду давлат садо доданд.Сарвари давлати Тоҷикистон Эмомалӣ Раҳмон ва Раиси Ҷумҳурии Мардумии Чин Си Ҷинпин бо ҳайатҳои расмии ҳарду ҷониб аз наздик шинос шуданд.Ёдовар мешавем, ки Президенти Ҷумҳурии Мардумии Чин Си Ҷинпин 11 сентябри соли 2014 бо сафари давлатӣ ва ҷиҳати иштирок дар саммити сарони давлатҳои аъзои Созмони ҳамкории Шанхай, ки 11-12 сентябри соли 2014 дар шаҳри Душанбе доир гардид, ба пойтахти Тоҷикистон омад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






