Оқибати нохуши садамаи нақлиётӣ
Душанбе, 05.09.2014. (АМИТ «Ховар», Муқаддас Темурзода). – 4 сентябр дар қисми ҷанубии кишвар бар асари садамаи нақлиётӣ ҷавонзане ҳалок гардид. Ронандаи автомобили тамғаи «Opel-Astra» Рустамҷон Юлдошев – сокини ноҳияи Бохтар, ки аз ноҳияи Вахш сӯи шаҳри Қӯрғонтеппа ҳаракат мекард, аз уҳдаи идораи нақлиёт набаромада, сокини ноҳияи мазкур Озода Ғоибоваро пахш намуд.Ҷабрдида ҷароҳатҳои вазнин бардошта, дар маҳалли воқеа ҳалок гардид.Дар ин бора аз ВКД ҶТ хабар доданд.