П. Виверс-Картер: Модели нави рушдро дар Тоҷикистон ба роҳ монем

Сентябрь 4, 2014 12:26

Душанбе, 4.09.2014. (АМИТ «Ховар», Мавҷуда Анварӣ).- Имрӯз Президенти кишвар Эмомалӣ Раҳмон Намояндаи нави Бонки ҷаҳонӣ  дар Тоҷикистон Патрисия Виверс-Картерро ба ҳузур пазируфт.
Баъди мулоқот Намояндаи нави Бонки ҷаҳонӣ дар Тоҷикистон ба хабарнигорон андешаҳояшро чунин иброз намуд:
«Ин вохӯрии аввалини ман бо Президенти Ҷумҳурии Тоҷикистон аст.  Ман хеле хушҳолам, ки дар Ҷумҳурии Тоҷикистон қарор дорам, чунки Тоҷикистон кишварест, ки бо мардуми шариф ва табиати зебои худ дар тамоми ҷаҳон обрӯю эътибор пайдо намудааст. Дар оянда ният дорам, ки аз минтақаҳои гуногуни ин кишвари зебо дидан намуда, бо мардуми сарбаланди он аз наздик ошноӣ пайдо намоям.
Мо умедворем, ки тавассути амалӣ намудани се афзалият-дастгирии бахши хусусӣ тавассути беҳсозии фазои сармоягузорӣ ва рақобатпазирӣ, раҳоии кишвар аз бунбасти коммуникатсионӣ ва таъмини дастрасии мардум ба хизматрасониҳои иҷтимоӣ, ки аз афзалиятҳои кори Бонки ҷаҳонӣ дар Тоҷикистон аст, ба мақсадҳои худ  хоҳем расид».
— Дар оянда тамоми кӯшишҳои худро ба харҷ медиҳам, то ки  бо мардуми шарифи Тоҷикистон ҳамкорӣ намуда, якҷоя модели нави рушдро дар Тоҷикистон ба роҳ монем. Ба ин васила имконият медиҳем, ки сохтори хусусӣ рушд ёбад ва мардум ба хизматрасониҳои асосӣ хусусан дар соҳаи маориф, тандурустӣ, энергетика ва инчунин ба хизматрасониҳои об дастрасӣ дошта бошанд,-афзуд Патрисия Виверс-Картер.
 
 
 
 
 
 

Сентябрь 4, 2014 12:26

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд