Ректори ДДОБ- Доктори фахрии ДДОТ
Душанбе, 15.09.2014. (АМИТ «Ховар», Раъно Нусратуллозода).-Дар ҷаласаи ғайринавбатии Шӯрои олимони Донишгоҳи давлатии омӯзгории Тоҷикистон ба номи С.Айнӣ ректори Донишгоҳи давлатии омӯзгории Бошқирдистон ба номи М.Акмулло, профессор Раил Асадуллин бо унвони олии Доктори фахрии Донишгоҳи давлатии омӯзгории Тоҷикистон ба номи С.Айнӣ сарфароз гардид.
Тавре ки котиби матбуоти донишгоҳ Бахтиёри Абдураҳим иттилоъ дод, дар оғози ҷаласа ректор Абдуҷаббор Раҳмонов перомуни тақвияти ҳамкориҳо ва тасвиби созишномаҳо изҳори андеша намуда, дар ин ҷода саҳми Р.Асадуллинро ниҳоят назаррас арзёбӣ кард. Дар такя бар гуфтаи ӯ, маҳз дар заминаи равобити ҳасанаи дуҷониба имкон фароҳам омада, ки донишҷӯёни мо дар Донишгоҳи омӯзгории Бошқирдистон дар зинаи магистратура, аспирантура ва докторантура идома таҳсил намоянд.
Дар идомаи ҷаласа Р.Асадуллин оид ба самтҳои фаъолият ва факултаю ихтисосҳои донишгоҳашон маърӯзаи пурмуҳтаво қироат намуд. Ӯ, ҳамзамон, дар хусуси истифодаи самараноки технологияҳои коммуникатсионӣ дар раванди таълим маълумоти судманд баён дошт.
Дар ҷамъомад А.Раҳмонов ба Р.Асадуллин унвони Доктори фахриро, ки аз ҷониби ҳайати Шӯрои олимон бо якдилӣ тасдиқ гардид, тақдим намуд.
Ёдовар мешавем, ки бо ибтикори бевоситаи сарвари таълимгоҳ Абдуҷаббор Раҳмонов соли 2013 Низомномаи Доктори фахрии Донишгоҳи омӯзгорӣ таҳия гардида, аз ҷониби ҳайати Шӯрои олимон тасдиқ шуд. 27-уми ноябри ҳамон сол директори Маркази хайриявии «Умед» А.А.Когай, ки шаҳрванди Ҷумҳурии мардумии Чин мебошад, ба гирифтани ин унвон мушарраф гардид. Р.Асадуллин дувумин нафарест, ки ин унвони олиро соҳиб мешавад.
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
