Сафари гурӯҳи корӣ ба ВМКБ
Душанбе, 24.09.2014. (АМИТ «Ховар», Руқияи Боймамад).-Гурӯҳи кории Вазорати меҳнат, муҳоҷират ва шуғли аҳолии Тоҷикистон, ки аз 17-уми сентябри соли равон барои бурдани корҳои фаҳмондадиҳӣ дар самти муҳоҷирати меҳнатӣ дар вилояти Бадахшон қарор дорад, бо мардуми як қатор навоҳии ин минтақа суҳбату мулоқотҳо анҷом дод.
Вохӯриҳо асосан дар ноҳияҳои Дарвоз, Ванҷ, Шуғнон, Ишкошим ва Роштқалъа, инчунин дар ҷамоату мактабҳо, литсейҳои касбӣ-техникӣ ва бо фаъолони ин минтақа ҷиҳати огоҳ намудани мардум доир аз навовариҳо дар қонунгузории амалкунандаи Федератсияи Русия сурат гирифтанд.
Дар ҷараёни мулоқотҳо навовариҳо дар қонунгузории Федератсияи Русия дар самти муҳоҷирати меҳнатӣ, тарзи дуруст пур кардани варақаҳои муҳоҷиратӣ, гирифтани сертификат, донистани забони русū, таърих ва фарҳанги Русия, тафтиши шиносномаҳо аз тариқи сомонаи интернетии Хадамоти федеролии муҳоҷирати Русия ва қоидаҳои будубоши кишвари қабулкунанда ба сокинон фаҳмонида шуданд.
Бояд зикр намуд, ки бо фармоиши вазири меҳнат, муҳоҷират ва шуғли аҳолии Ҷумҳурии Тоҷикистон Сумангул Тағойзода аз 2 сентябри соли 2014 гурӯҳи корӣ таъсис дода шуда, мулоқоту вохўриҳо дар ин самт фаъолона идома доранд.
Лозим ба ёдоварист, ки сафари хизматии гурӯҳи корӣ ба ВМКБ то 26 сентябри соли ҷорӣ идома хоҳад кард.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






