Сафари Президенти Ҷумҳурии Бошқирдистон ба Тоҷикистон

Душанбе, 11.09.2014. (АМИТ «Ховар», Мавҷуда Анварӣ).-Дирӯз   Президенти Ҷумҳурии Бошқирдистони Федератсияи Русия Рустам Хамитов ҷиҳати иштирок дар ҷаласаи сарони давлатҳои узви Созмони ҳамкории Шанхай ба Ҷумҳурии Тоҷикистон ташриф овард.
Меҳмони олиқадрро дар «Фурудгоҳи байналмилалии Душанбе» вазири саноат ва технологияҳои нави Тоҷикистон Шавкат Бобозода истиқбол намуд. 
Ёдовар мешавем, ки соли оянда раёсати СҲШ-ро Федератсияи Русия бар дӯш дорад ва соли 2015 ҷаласаи сарони давлатҳои узви СҲШ  дар шаҳри Уфаи Бошқирдистон доир мегардад. 
Вуриди меҳмонон ба кишвари мо идома дорад ва   ҷиҳати иштирок дар ҷаласаи Шӯрои сарони давлатҳои аъзои СҲШ роҳбарони Русия, Қазоқистон, Қирғизистон, Туркманистон, Ӯзбекистон, Чин, Муғулистон ва Афғонистон имрӯз ба Тоҷикистон меоянд.