«Шоми дӯстӣ» бе муболиға тараннумгари дӯстиву рафоқат буд
Душанбе, 12.09.2014.(АМИТ «Ховар», Марзия Саидзода).- Шоми 11 сентябр дар муҷтамаи давлатии «Кохи Борбад»-и Душанбе ба ифтихори ҷаласаи сарони кишварҳои Созмони ҳамкории Шанхай барномаи консертии бошукӯҳ таҳти унвони «Шоми дӯстӣ» баргузор гардид, ки дар он сарони кишварҳои аъзои Созмони ҳамкории Шанхай- Эмомалӣ Раҳмон, Си Ҷинпин, Владимир Путин, Нурсултон Назарбоев, Ислом Каримов, Алмазбек Отамбоев, инчунин роҳбарону намояндагони созмонҳои бонуфузи минтақавию байналмилалӣ, намояндагони Ҳукумати Ҷумҳурии Тоҷикистон ва дигар меҳмонони воломақом аз кишварҳои хориҷӣ ширкат доштанд.
Барномаи консертии «Шоми дӯстӣ» тараннумгари дӯстию рафоқат ва ҳамраъйию ҳамгироии кишварҳои узви Созмони ҳамкории Шанхай буда, дар он аз ҷониби ҳунармандони шинохтаи тоҷик суруду таронаҳои мардумони кишварҳои Созмони ҳамкории Шанхай хеле олӣ сароида шуданд.
Толори «Кохи Борбад» ва саҳнаи он аз рӯи хусусияти хос ва суннатҳои олии ҳар як кишвари аъзои Созмони ҳамкории Шанхай ороиш дода шуда, таҳкимбахши бародарию дӯстии кишварҳои аъзои ин созмони бонуфузи рушдёбанда буд. Дар маҷмӯъ, баргузории консерти «Шоми дӯстӣ» тарғибгари фарҳангу тамаддуни мардуми кишварҳои узви Созмони ҳамкории Шанхай буда, он бори дигар густариши равобит ва ҳамгироию ҳусни ҳамҷавории кишварҳои аъзои созмонро собит сохт.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






