Си Тзинпин бо сафари давлатӣ ба Тоҷикистон меояд
Душанбе, 8.09.2014.(АМИТ «Ховар», Марзия Саидзода).-Си Тзинпин -Раиси Ҷумҳурии Мардумии Чин 11 сентябр бо нахустин сафари давлатӣ ба Ҷумҳурии Тоҷикистон меояд.
Назар ба иттилои Абулфайз Атоев -сардори Раёсати иттилоот, матбуот, таҳлил ва тарҳрезии сиёсати хориҷии Вазорати корҳои хориҷии Ҷумҳурии Тоҷикистон, маросими истиқболи расмии Си Тзинпин дар майдони назди Қасри миллат сурат гирифта, ҳамзамон дар Қасри миллат мулоқоти хосаи Президенти Ҷумҳурии Тоҷикистон Эмомалӣ Раҳмон ва Раиси Ҷумҳурии Мардумии Чин Си Тзинпин доир мегардад. Интизор меравад, ки дар доираи сафари давлатии Си Тзинпин ба Тоҷикистон маҷмӯи санадҳои ҳамкорӣ дар бахшҳои гуногун байни Тоҷикистону Чин ба имзо расонида шавад.
Ҳамзамон дар доираи сафараш Раиси Ҷумҳурии Мардумии Чин Си Тзинпин ба Тоҷикистон бо раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров ва Сарвазири Ҷумҳурии Тоҷикистон Қоҳир Расулзода мулоқот менамояд.
Си Тзинпин инчунин дар маросими расмии анҷоми сохтмони навбати якуми Маркази барқу гармидиҳии «Душанбе-2» ва гузоштани хишти нахустини сохтмони навбати дуюми маркази мазкур иштирок менамояд.
Дар фарҷоми сафари давлатиаш Раиси Ҷумҳурии Мардумии Чин дар маросими оғози сохтмони лӯлаи интиқоли гази «Осиёи Марказӣ -Хитой» ширкат меварзад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






