«Сиёсати ягонаи давлатии экологӣ» дар маркази нав

Душанбе, 22.09.2014. (АМИТ «Ховар», Мавчуда Анварӣ).-Бо мақсади баланд бардоштани сатҳи дониши касбии кормандони мақомоти ҳифзи муҳити зист дар назди бахши ҳифзи муҳити зисти шаҳри Қайроққум Маркази бозомўзӣ таъсис ёфт. 
Зимни ифтитоҳи марказ раиси Кумитаи ҳифзи муҳити зист Хайрулло Ибодзода таъкид намуд, ки ин якумин маркази бозомӯзиест, ки дар ҷумҳурӣ ташкил гардид ва ин падида на танҳо барои баланд бардоштани донишу малакаи касбии кормандони соҳаи ҳифзи муҳити зист мусоидат мекунад, инчунин ҷиҳати баланд бардоштани маърифати экологии аҳолӣ низ созгор буда метавонад.
Худи ҳамон рўз дар Марказ семинари бозомўзӣ таҳти унвони «Сиёсати ягонаи давлатии экологӣ» баргузор шуда, дар он намояндагони кумита дар мавзўъҳои пешбурди сиёсати давлатии экологӣ, зарурати таҳияи дастурамалҳо, сиёсати давлатӣ дар самти ташхиси давлатии экологӣ, таъмини риояи хати муҳофизатии манбаъҳои обӣ, назорати давлатӣ дар самти олами набототу ҳайвонот, усулҳои тартиб додани парвандаҳои ҳуқуқвайронкунии маъмурӣ, усулҳои ҳисоб намудани пардохтҳои ҳатмии экологӣ сухан гуфтанд.