Сохтмони роҳ бо ҳузури М. Алимардон ва А. Маталиев
Душанбе, 6.09.2014. (АМИТ «Ховар», Мавҷуда Анварӣ).- Нақшаи чорсӯи роҳи мошингарди Исфара — Ворух ва нақшаи роҳи мошингарди Кӯктош — Оқсой — Тамдиқ — Кишемиш мувофиқи Созишномаи байниҳукуматии Тоҷикистону Қирғизистон оид ба сохтмони ду пул ва қитъаҳои роҳи мошингард аз 31 марти соли 2014, ҳодисаи сарҳадӣ, ки 25 август дар мавзеи Овчиқалъачаи ноҳияи Бобоҷон Ғафурови вилояти Суғд рух дод, инчунин фаъолгардонии ҷараёни делимитсия ва демаркатсияи сарҳади давлатӣ байни ин кишварҳо зимни ҷаласаи муштараки ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон оид ба делимитсия ва демаркатсияи сарҳади давлатии Тоҷикистону Қирғизистон 26 — 27 августи соли 2014 дар шаҳри Бишкек баргузор гардид, мавриди баррасӣ қарор дода шуд.Дар ин бора дар сомонаи расмии Хадамоти матбуоти раиси вилояти Суғд иттилоъ дода шудааст.Тибқи иттилои манбаъ, сохтмон ва маблағгузории ин роҳҳо ба мансубияти ин ё он тараф хизмат накарда, дар ҷараёни гуфтушунидҳои делимитсия ва демаркатсияи сарҳадҳои давлатӣ амалӣ мегардад. Тарафҳо ба мувофиқа омаданд, ки барои сохтмони роҳи мошингард шароити мусоид ба вуҷуд оварда мешавад.Ҳамзамон дар робита ба задухӯрди шоми 25 август, ки дар марзи ноҳияи Бобоҷон Ғафурови вилояти Суғд бо ноҳияи Лайлаки Қирғизистон рух дод, ҷонибҳо барои ташкили комиссияҳои якҷоя оид ба таҳқиқи холисонаи ҳодисаҳои дар сарҳади Тоҷикистону Қирғизистон рухдода ба мувофиқа омаданд.Санаи 4 сентябр Муродалӣ Алимардон-муовини Сарвазири Тоҷикистон ва муовини Сарвазири Қирғизистон Абдураҳмон Маталиев дар ҳузури ҳайатҳои кумиссияи байниҳукуматӣ ба сохтмони роҳҳо ҳусни оғоз бахшиданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






