Сохтмону навсозии 25 иншоот дар Кӯлоб

Кӯлоб, 17.09.2014. (АМИТ «Ховар», Сулаймон Холов).-Дар минтақаи Кӯлоб  бо маблағгузорӣ аз буҷети ҷумҳуриявӣ ва мақомоти иҷроияи ҳокимияти  давлатии вилояти Хатлон  сохтмону навсозии  25  иншооти  таъйиноти  гуногун ба нақша гирифта шудааст. Ба иттилои масъулин сохтмони 8 иншоот аз ҳисоби маблағҳои мутамаркази ҷумҳуриявӣ бо маблағи 5 млн. 800 ҳазор сомонӣ, 17 иншооти дигар  бо маблағгузории буҷети  мақомоти иҷроияи  ҳокимияти давлатии вилояти Хатлон  бо маблағи 6 млн. 500 сомонӣ идома дорад. 
Дар ин давра   муассисаи таълимӣ барои 480 хонанда дар деҳаи Офтоблиқо, муассисаи  таҳсилоти миёнаи умумӣ барои 320 хонанда дар деҳаи Сангпари  ҷамоати деҳоти Зиракӣ, мактаб  барои 320 хонанда  дар деҳаи Зулмободи ноҳияи Шӯрообод, варзишгоҳи дорои 5 ҳазор ҷои нишаст дар ноҳияи Ховалинг, хати оби нӯшокӣ дар ноҳияи Восеъ  ва дигар иншоот  мавриди истифода қарор гирифтанд.