Суғд: 900 нафар дар соҳаи саноат бо кор таъмин шуд

Душанбе, 24.09.2014. (АМИТ Ховар, Ситораи Боймурод).- Соли ҷорӣ ба фаъолият шурӯъ намудани наздик ба 30 корхонаи хурду миёнаи истеҳсолӣ имкон дод, ки зиёда аз 900 нафар дар шаҳри Хуҷанд бо ҷойи кори доимӣ таъмин шавад.
Тавре ки дар ин бора хадамоти матбуоти раиси вилояти Суғд хабар додааст, дар мулоқот инчунин гуфта шуд, ки таъмири беморхонаҳо, харидории таҷҳизоти нави муосири тиббӣ барои ин беморхонаҳо, ҷудо гардидани як миллион сомонӣ барои беҳтар намудани ғизонокии хӯрок барои муҳассилини  макотиби шаҳр, бо хӯроки гарми бепул таъмин намудани 700 нафар  навраси ятими шаҳри Хуҷанд дар давоми соли хониш, таъмири куллии 35 километр роҳ ва бунёди силсилаи боғчаҳои кӯдакона гувоҳи рушди соҳаҳои гуногуни хоҷагии халқи маркази вилоят аст.
Дар ҳамин замина ҳоло барои ду нафар соҳибкор дар шаҳри Хуҷанд иҷозати сохтмони кӯдакистони хусусӣ дода шуд, ки ҳар кадоми он имкони фарогирии то 300 нафар кӯдакро пайдо хоҳад кард.