Суғд: баргузории озмуни “Фарҳанги ҳимоят”
Хуҷанд, 19.09.2014. (АМИТ “Ховар”, Абдуаҳад Шарифзода).- Бо ташаббуси Кумитаи Имдоди имом Хумайнии Ҷумҳурии Исломии Эрон дар Тоҷикистон дар ҳамкорӣ бо мақомоти иҷроияи ҳокимияти давлатии вилояти Суғд дар миқёси ҷумҳурӣ дар давоми ду моҳ озмуни “Фарҳанги ҳимоят” баргузор мешавад.
Тавре ки ба хабарнигори АМИТ “Ховар” дар Суғд узви кумитаи тадорукот, роҳбари бахши суғдии кумитаи мазкур Фирдавс Ашӯрматов иттилоъ дод, озмун аз 18 сентябри соли ҷорӣ оғоз шуда, дар он на танҳо фарҳангиёни кишвар, балки ҳамаи дӯстдорони шеъру наср новобаста аз минтақа ва синн метавонанд ширкат варзанд.
Ба гуфти манбаъ, мақсад аз баргузории озмун- ин пеш аз ҳама инъикоси масоили ҳимояти табақаҳои осебпазири ҷомеа аз тариқи шеър, наср ва наққошӣ аст.
Озмун аз рӯи се бахш — “шеър, наср ва наққошӣ”, тибқи гурӯҳҳои синнии иштирокдорон, яъне гурӯҳи аввал, кӯдакони то 7 сола, дуввум, наврасони то синни 18 сола ва саввум, ҷавонону бузургсолон доир мегардад.
Дар интиҳои озмун, ки он 15 ноябри соли равон дар маркази маъмурии Суғд- шаҳри Хуҷанд гузаронида мешавад, аз тарафи сарпарастон ва кумитаи тадорукоти озмун се нафар ғолиби ҳар гурӯҳ дар се бахш бо туҳфаҳои арзанда сарфароз гардонида мешавад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






