Суғд: Бинои нав дар маркази дилшиносӣ

Сентябрь 15, 2014 15:25

Душанбе, 15.09.2014. (АМИТ «Ховар», Зарангези Латиф).- Кормандони маркази дилшиносии вилояти Суғд соҳиби боз як бинои замонавӣ шуданд. Акнун шуъбаи сеюми ин марказ аз бинои кӯҳна ба иншооти нав интиқол ёфт ва минбаъд дар шароити мусоид бо сатҳу сифати баланд фаъолият хоҳад кард.
Субҳи имрӯз раиси вилоят Абдураҳмон Қодирӣ дар маросими ифтитоҳи бинои нави шуъба ширкат  варзид.
Ба иттилои дафтари матбуоти раиси вилоят, бинои мазкур қаблан ҳамчун табобатгоҳи бемориҳои сироятӣ амал мекард ва чанд вақти охир дар ҳоли ногувор боқӣ монда буд. Бо маблағгузории мақомоти иҷроияи ҳокимияти давлатии вилоят дар ҳаҷми як миллион сомонӣ бино бо сифати баланд таъмиру навсозӣ шуд.
Худи шуъба низ то ин дам дар иншооти 120- солае, ки хеле фарсудаю таъмирталаб  буд, фаъолият мебурд ва агарчанде, ки табобат дар сатҳи лозимӣ қарор дошт, беморон хешро нороҳат эҳсос мекарданд. Акнун шуъбаи мазкур дар 22 утоқ ва 40 кат бо симои дилкашу муҳити тозаву озода барои муҳтоҷон хизмат хоҳад расонид.
Боиси зикр аст, ки дар арафаи ифтитоҳи бинои нав шуъба ҳамзамон соҳиби мошини ёрии таъҷилии замонавӣ гардид, ки тибқи лоиҳа ба воситаи ташкилоти байналхалқии «Go help» аз Британияи Кабир дастрас шудааст.  Гурӯҳи ёрии таъҷилии марказ акнун имкон дорад на танҳо ба сокинони шаҳри Хуҷанд, балки дар дигар шаҳру навоҳии вилоят низ ба корафтодагон кумаки тиббии сайёр расонад. Нақлиёти ёрии аввалин дорои таҷҳизоти муҳими интиқол, назорати ҳолати бемор ва хизматрасонии нахустини тиббӣ ба муҳтоҷон мебошад.
 
 

Сентябрь 15, 2014 15:25

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд