Таҷлили ҷашни Истиқлол дар «Тоҷикстандарт»
Душанбе, 5.09.2014. (АМИТ «Ховар», Бекназари Абӯбакр). — Имрӯз дар Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон («Тоҷикстандарт») бахшида ба 23-юмин солгарди Истиқлолияти давлатии Ҷумҳурии Тоҷикистон ҷамъомади тантанавӣ доир гардид.
Дар ҷамъомад директори Агентии «Тоҷикстандарт» Бахтиёр Шукурзода оид ба нақш ва ҷойгоҳи истиқлолият дар худшиносии миллӣ, соҳибдавлативу соҳибзабонӣ, ифтихори милливу ватандорӣ сухан гуфт. Аз ҷумла зикр шуд, ки бо шарофати соҳибистиқлолӣ Тоҷикистон ба рушди бемайлони тамоми соҳаҳо, бахусус иқтисодӣ ноил гашта, истеҳсоли маҳсулоти ватаниро ба маротиб афзуд, ки албатта, ин раванд ба таъмини бозорҳо бо маҳсулоти хушсифати ватанӣ мусоидат мекунад.
Дар фарҷом ба кормандони фаъоли соҳа ифтихорнома ва мукофотҳо дода шуданд.