Таҷлили Рӯзи сулҳ дар Новосибирск

 
Душанбе, 29.09.2014. (АМИТ «Ховар», Лайло  Тоирӣ). –  Ҳафтаи  гузашта  намояндагони  ҷамоаи тоҷикон дар  Новосибирск  дар маросими таҷлили  Рӯзи  байналмилалии  сулҳ  дар  шаҳри  Новосибирски Федератсияи  Русия  иштирок  намуданд. 
Ин  чорабинӣ, ки дар  он  намояндагони  халқу   миллатҳои  мухталифи  минтақа   ширкат  доштанд,  таҳти  шиори «Ҳуқуқи  халқҳо  барои  сулҳу  осоиш» роҳандозӣ  шуд.
Назар б а  хабари намояндагии Вазорати  меҳнат,  муҳоҷират  ва  шуғли  аҳолии ҶТ  дар  ФР  оид ба  муҳоҷират,  дар  анҷоми  ид  маросими шодоб намудани дарахти  рамзии  дӯстӣ  баргузор  гардид.  Намояндагони  миллатҳои  мухталиф, ки  дар  бар  либоси  миллӣ  карда буданд, ба  нишони  таҳкими  дӯстии  миёни  халқҳо  ба  пояи  дарахти  дӯстӣ аз  кӯзаҳо  об рехтанд.
Ёдовар  мешавем, ки  Рӯзи  сулҳ  иди  расмии Созмони Милали  Муттаҳид  ба  манзури  дастгирии  муносибатҳои  сулҳомези  байни  мардум  ва  кишвару  қитъаҳо  маҳсуб  меёбад.