Таҷлили зодрӯзи Баҳманёр дар Маскав
Душанбе, 30.09.2014. (АМИТ Ховар, Марҳабои Азамат).- Дар Китобхонаи марказии илмии ба номи Н.А Некрасови шаҳри Маскав маросими муаррифии китоби нависандаи машҳури тоҷик Баҳманиёр Буд- набуд дар Сармаддеҳва маҳфили эҷодӣ бахшида ба 60-солагии мавсуф баргузор гардид. Дар ин бора намояндаи махсуси Сафорати ҶТ дар ФР Муҳаммад Эгамзод ба АМИТ Ховар хабар дод.
Мувофиқи суханони манбаъ, ин чорабинӣ бо ибтикори узви Шӯрои умури миллатҳои назди Ҳукумати шаҳри Маскав, узви ҳайати раёсати Академия МАДЕНМ, узви Академияи Ферронии Руссия ва Итолиё, роҳбари Комиссияи бахши фарҳанги Шурои ҷамъиятии назди Сафорати Чумҳурии Тоҷикистон, раиси Шурои Маркази фарҳанги тоҷикон дотсенти Мактабии олии иқтисодиёт, номзади илми филология, тарҷумон Хуршеда Ҳамроқулова роҳандозӣ шуд.
Хуршеда Ҳамроқулова маҳфилро ифтитоҳ намуда, меҳмононро бо ҳаёту фаъолияти Баҳманиёр ва асарҳояш шинос кард. Мавсуф зикр намуд, ки чанде пеш дар нашароти Китобхонаи Олжас-и шаҳри Алмаато китоби «Буд- набуд дар Сармаддеҳ» ба забони русӣ аз чоп баромад. Муҳаррири масъул ва мураттиби китоб Сафар Абдулло ва сарпарасти он соҳибкори тоҷик Сино Ализода мебошанд.
Назар ба иттилои дипломати тоҷик, дар мулоқот шоирону нависандагони Русия, Беларус ва Арманистон, ҳамчунин намояндагони иттиҳодияҳои фарҳанги миллӣ ва ходимони ҷамъиятии шаҳри Маскав сухан карданд.
Ҷашнвораи имрӯза ки дар ҳошияи равобити фарҳангии ду давлати дӯст- Русия ва Тоҷикистон роҳандозӣ мешавад, аҳамияти бузург дошта ва ба рушду таҳкими муносибатҳоямон мусоидат мекунад. Дар анҷоми маҳфил консерти устодони санъати шаҳри Маскав ва итттиҳодияҳои миллӣ баргузор гардида, Хуршеда Ҳамроқулова порчаҳоро аз китоби Баҳманиёр қироат кард,- зикр намуд Муҳаммад Эгамзод.