Таъмини аҳолӣ бо ҷойи кор

 Кӯлоб, 30.09.2014.  (АМИТ «Ховар», Сулаймони Хол).- Бо мақсади афзоиш додани истеҳсоли маҳсулоти саноатӣ ва ба ин васила таъмин кардани сокинон бо ҷойи нави корӣ дар шаҳри Кӯлоб соли ҷорӣ 4 корхона ва 13 коргоҳи нави саноатӣ фаъол гардонида шуд, ки дар онҳо 164 нафар ба шуғли доимӣ фаро гирифта шуд.
 Бино ба иттилои мудири шуъбаи саноати мақомоти иҷроияи хокимияти шаҳри Кӯлоб дар давоми 8 моҳи соли 2014 корхонаҳои саноатӣ ба маблағи 68,4 миллион сомонӣ маҳсулот истеҳсол намуданд, ки нисбат ба ҳамин давраи соли гузашта 4,2 миллион зиёд мебошад. 
Бояд гуфт, ки дар 53 корхона ва коргоҳҳои саноатии шаҳри Кӯлоб беш аз 1100 нафар фаъолият доранд.