Таъмини сокинони Ваҳдат бо об аз ҷониби ИМА
Душанбе, 26.09.201. (АМИТ «Ховар»,Фарзона Достонзода).– Сафири ИМА Сюзан М. Эллиотт ва раиси кумитаи маҳаллии деҳаи Ғалчагӣ Абдуҳамид Сангов расман иншооти нави обтаъминкуниро ба сокинони деҳаи Ғалчагии ҷамоати Чорсӯи ноҳияи Ваҳдат супориданд.
Тавре ки Сафорати ИМА дар Тоҷикистон иттилоъ медиҳад, иншооти мазкур 353 сокини деҳаро бо оби тозаи нӯшиданӣ таъмин мекунад. Лоиҳаи инфрасохтори об ҷузъи Лоиҳаи USAID «Идоракунии маҳаллӣ» ба ҳисоб меравад, ки он дар 10 ноҳия ва 20 ҷамоат бо мақсади баланд бардоштани сифати идора дар маҳал ва хизматрасониҳо амалӣ мегардад.
Мавриди зикр аст, ки дар доираи лоиҳаи мазкур 8,400 метр қубурҳои об кашида шуда, иншооти безараргардонӣ ва тақсимоти об сохта шуд. Инчунин дар 37 хонаводаи деҳаи Ғалчагӣ ҷумакҳои алоҳидаи оби нӯшиданӣ насб гардиданд.