Ташрифи Президенти Қазоқистон ба Душанбе
Душанбе, 11.09.2014 (АМИТ «Ховар», Бекназари Абӯбакр). — Ин лаҳзаҳо вуруди меҳмонони воломақом ҷиҳати иштирок дар саммити Созмони ҳамкории Шанхай, ки 11 ва 12 сентябри соли ҷорӣ дар пойтахти Тоҷикистон баргузор мегардад, идома дорад. Барои иштирок дар ҷаласаи Шӯрои сарони давлатҳои аъзои СҲШ Нурсултон Назарбоев. Президенти Қазоқистон вориди пойтахти Тоҷикистон-шаҳри Душанбе шуд.
Дар фурудгоҳи байналмилалии Душанбе меҳмони олимақомро Сарвазири Ҷумҳурии Тоҷикистон Қоҳир Расулзода ва дигар шахсони расмӣ истиқбол гирифтанд.
Маврид ба ёдоварист, ки то ин лаҳза барои иштирок дар саммити душанбегии СҲШ Президенти Русия Владимир Путин, Президенти Чин Си Ҷинпин, Президенти Ҷумҳурии Ӯзбекистон Ислом Каримов, Президенти Эрон Ҳасани Рӯҳонӣ,Президенти Муғулистон Тсахиагийн Элбегдорж ва дигар меҳмонони расмӣ ба Душанбе омадаанд.