Таъсиси аввалин муассисаи ғайридавлатии Коллеҷи техникӣ
Душанбе, 24.09.2014. (АМИТ «Ховар», Мавҷуда Анварӣ).- Дар шаҳри Хуҷанд аввалин муассисаи ғайридавлатии Коллеҷи техникӣ таъсис гардид, ки он мутобиқ ба шароити замонавӣ буда, аз 9 синфхона, 3 ташхисгоҳ, китобхона ва толори меҳмонхона иборат аст. Дар ҳар синфхонатахтаи электронӣ насб гардида, зиёда аз 20 нафар омӯзгори соҳибтаҷриба фаъолият мебарад.
Тибқи иттилои мақомоти иҷроияи ҳокимияти давлатии шаҳри Хуҷанд, коллеҷ дорои ду намуди таҳсил: 3 моҳа ва 3 сола буда, таҳсил ба таври шартномавӣ сурат мегирад. Барои таҳсили 3 моҳа сертификат ва барои таҳсили 3 сола шаҳодатномаи хатми нопурра дода мешавад.
Ҳамчунин ин муассиса барои ошхонаву тарабхонаҳо пешхизматони касбиро омода мекунад.
Дар коллеҷ мутахассисони пуртаҷриба аз рӯи ихтисосҳои техник-иқтисодчӣ, техник-технолог, техник -барномасоз, техник доир ба ташкил ва идоракунӣ, технологи маҳсулоти қаннодӣ, техник — технологи соҳаи хӯрокӣ ва техник- сохтмончӣ омода мешаванд. Коллеҷи техникии шаҳри Хуҷанд бо донишкадаи шаҳри Маскав, Донишкадаи техникии шаҳри Симферопол ва Донишкадаи политехникии Донишгоҳи техникии Тоҷикистон шартномаҳои ҳамкорӣ бастаанд, ки дар асоси он хатмкунандагони коллеҷ метавонанд дар донишкаҳои номбаршуда таҳсилашонро идома диҳанд.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






