Таъсиси Шӯрои ҳамоҳангсозӣ оид ба ҳифзи ҳуқуқи муаллифон
Душанбе, 20.09.2014. (АМИТ «Ховар», Раъно Нусратуллозода).-18 сентябри соли равон дар Вазорати фарҳанги Ҷумҳурии Тоҷикистон ҷаласа оид ба таъсиси Шӯрои ҳамоҳангсозӣ оид ба ҳифзи ҳуқуқи муаллифон доир гардид. Мақсад аз таъсиси Шӯро пешгирии ҳуқуқвайронкунӣ дар соҳаи ҳуқуқи муаллиф, ҳамкории мақомоти дахлдор, муассисаву идораҳое, ки бевосита бо пешгирии вайрон кардани ҳуқуқ дар ин соҳа фаъолият мекунанд, беҳтар намудани ҳифзи манфиатҳои муаллифон ҳангоми истифодаи асарҳои онҳо, омӯзиши санадҳои ҳуқуқӣ-меъёрие, ки муносибатҳои байни муаллифонро ба танзим медароранд, халли мушкилоти соҳа ва дигар масъалаҳо, мебошад.
Дар ҷаласа намояндагони вазоратҳои адлия, корҳои дохилӣ, фарҳанг, Кумитаи телевизион ва радио, иттифоқҳои эҷодӣ, ки бевосита бо пешгирии ҳуқуқвайронкунӣ саҳм мегиранд, иштирок намуда, оид ба беҳтар ба роҳ мондани кор дар масъалаи ҳимояи ҳуқуқи муаллиф сухан карданд.
Иштирокчиёни ҷаласа дар бораи нақши вазорату идораҳо, мақомоти ҳифзи ҳуқуқ, иттифоқҳои эҷодӣ дар пешгирии ҳуқуқвайронкунӣ дар соҳаи ҳуқуқи муаллиф ва дигар самтҳои фаъолият сухан карда, оид ба он тадбирҳое, ки барои беҳбуди кор андешида мешаванд, ибрози назар намуданд.
Ҳайати Шӯро ва лоиҳаи нақшаи кори Шӯрои ҳамоҳангсозӣ оид ба ҳифзи ҳуқуқи муаллифон барои соли 2014 тасдиқ гардид.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
