Тоҷикистони меҳмоннавоз-кишвари сайёҳӣ

 
                  Душанбе, 27.09.2014.(АМИТ «Ховар», Марзия Саидзода).- «Тоҷикистони меҳмоннавоз-кишвари туризм»- таҳти чунин унвон 29 сентябр дар Душанбе конфронси миллии туристӣ баргузор мегардад.
              Интизор меравад, ки дар конфронс намояндагони вазорату идораҳои марбута, корпусҳои дипломатии муқими Ҷумҳурии Тоҷикистон ва созмону ширкатҳои туристии ҷумҳурӣ ширкат варзанд.
             Ҳадафи конфронси миллӣ муаррифии имкониятҳои туристии Тоҷикистон ва ҷалби сайёҳони хориҷӣ ба кишварамон буда, ҳамзамон дар он масъалаҳои марбут ба рушди соҳаи туризм, фароҳам овардани инфрасохтори бахши туристӣ дар ҷумҳурӣ баррасӣ мешаванд.
        Чорабинии мазкур бо ибтикори Кумитаи ҷавонон, варзиш ва сайёҳии кишвар дар доираи таҷлили Рӯзи байналмилалии туризм, ки ҳамасола 27 сентябр таҷлил мегардад, гузаронида мешавад.