Узвияти Тоҷикистон дар СТҶ ва таъсири он ба соҳаи саноат

Душанбе, 29.092014 (АМИТ “Ховар”, Фарзонаи Давлат).- Пагоҳ, 30-юми сентябри соли равон дар Вазорати рушди иқтисод ва савдои Тоҷикистон конфронс дар мавзӯи “Узвияти Тоҷикистон дар Созмони тиҷорати  ҷаҳонӣ (СТҶ) ва таъсири он ба соҳаҳои саноати ғизовориву кишоварзӣ ва  оҳангудозӣ (металлургия) “ баргузор мегардад.
Тавре ки дар ин бора аз Маркази тиҷорати байналмилӣ хабар доданд, дар нимаи аввали рӯз дар мавзӯи “Манфиатҳо ва чолишҳои саноати ғизовориву кишоварзии Тоҷикистон аз узвияти кишвар дар СТҶ” давраи омӯзишӣ гузаронида мешавад.
Ҳамчунин гуфта мешавад, ки  баргузории давраи омӯзишии дигар дар мавзӯи “Манфиатҳо ва чолишҳои саноати оҳангудозии Тоҷикистон аз узвияти кишвар дар СТҶ” дар назар аст.