Вакилон баъди бозгашт ба фаъолият шурӯъ мекунанд
Душанбе, 26.09.2014.(АМИТ «Ховар», Марзия Саидзода).- Вакилони палатаи поёнии Парлумони Тоҷикистон баъд аз 10 рӯзи вохӯриҳояшон бо интихобкунандагон дар манотиқи мухталифи кишвар ба пойтахт баргаштанд. Мулоқоти вакилон аз 15 то 25 сентябри соли равон дар вилоятҳои Суғду Хатлон, Вилояти Мухтори Кӯҳистони Бадахшон ва навоҳии тобеи марказ сурат гирифта, дар ҷараёни он вакилон бо мардум доир ба сиёсати пешгирифтаи Ҳукумати Ҷумҳурии Тоҷикистон дар самти пешбурд ва рушди иқтисодию иҷтимоии кишвар ва фаъолияти Маҷлиси намояндагон дар бахши таҳияи қонунҳо суҳбат карданд.
Мавриди зикр аст, ки Маҷлиси намояндагон –палатаи поёнии Парлумони Тоҷикистон доимоамалкунанда ва касбӣ буда, аз соли 2000 инҷониб фаъолият менамояд. Дар 63 курсии палатаи поёнии Парлумони мамлакат намояндагон аз аҳзоби сиёсии кишвар- Ҳизби Халқӣ – Демократии Тоҷикистон, Ҳизби коммунисти Тоҷикистон, Ҳизби аграрии Тоҷикистон ва Ҳизби наҳзати исломии Тоҷикистон нишаста, қонунҳо эҷод менамоянд. Моҳи феврали соли 2015, ки дар Ҷумҳурии Тоҷикистон интихоботи навбатии парлумонӣ баргузор мешавад, ваколати вакилони Маҷлиси намояндагон низ қатъ мегардад.
Бояд тазаккур дод, ки тибқи меъёрҳои қонунгузории кишвар интихоботи навбатии парлумонӣ дар Тоҷикистон аз ҷониби Президенти ҷумҳурӣ на камтар аз 75 рӯзи ба анҷом расидани ваколати вакилони Маҷлиси намояндагон таъйин мешавад, ки он ба охири моҳи феврали соли 2015 рост меояд. Ҳамзамон интихоботи вакилон ба Маҷлисҳои маҳаллӣ бо интихоботи Маҷлиси намояндагон дар як вақт сурат гирифта, интихоботи аъзои Маҷлиси миллӣ ё худ палатаи болоии Парлумони Тоҷикистон баъд аз 25 рӯзи баргузории интихоботи Маҷлиси намояндагон гузаронида мешавад, ки он ба охири моҳи марти соли 2015 рост хоҳад омад. 10.14.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






