Вазирони туризми ИДМ дар соҳили Нева ҷамъ меоянд

Сентябрь 26, 2014 10:08

                  Душанбе, 26.09.2014.(АМИТ «Ховар», Марзия Саидзода).- Ҷаласаи вазирони туризми кишварҳои Иттиҳоди Давлатҳои Мустақил /ИДМ/ 9-10 октябри соли равон дар шаҳри соҳили Неваи Русия-Санкт-Петербург баргузор мегардад.Ҷумҳурии Тоҷикистонро дар ин  чорабинӣ раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Абдуллозода Аҳтам Рустам намояндагӣ менамояд.
           Руслан Шодиков-муовини раиси Кумитаи ҷавонон, варзиш ва сайёҳии кишвар дар суҳбат ба хабарнигори АМИТ «Ховар» гуфт, ки дар ҷаласа масоили марбут ба густариши ҳамкории кишварҳои ИДМ дар бахши туризм  матраҳ мегарданд.
       Ҳамзамон интизор меравад, ки иштирокчиёни ҷаласа-вазирони туризми кишварҳои ИДМ масъалаҳои ташкил ва баргузор намудани ярмаркаҳои туристӣ, таъмини муассисаҳои бахши туризм бо мутахассисони баландтаҷриба ва бозомӯзии онҳо, инчунин ташкили хатсайрҳои нави туристӣ, ҷалби коршиносони бахши туризм ҷиҳати тавсеаи ҳамкориҳои мутақобилан судмандро баррасӣ хоҳанд кард.
         Дар назар аст, ки  вазирони туризми ИДМ ҳамзамон дар ҷаласа ҷараёни татбиқ ва амалисозии созишномаҳои қаблан ба имзо ва тасвибрасидаро дар бахши туризм дар миқёси кишварҳои ИДМ муҳокима хоҳанд кард.9.28.

Сентябрь 26, 2014 10:08

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд