Вохӯрӣ дар арафаи маъракаи даъват ба хизмати ҳарбӣ
Душанбе, 22.09.2014. (АМИТ «Ховар», Лайло Тоирӣ).- Ҳафтаи равон дар Прокуратураи ҳарбии гарнизони Душанбе бо иштироки комиссарони ҳарбӣ ва дигар масъулини вобаста ба комиссияҳои даъватии пойтахт ва тобеи ҷумҳурӣ ҷаласаи Шӯрои ҳамоҳангсозии мақомоти ҳифзи ҳуқуқ ва сохторҳои ҳарбии ин гарнизон доир шуд.
Дар кори ҷаласа санҷишҳои гузаронидаи масъулини мақомоти прокуратураи ҳарбии гарнизони Душанбе таҳлилу баррасӣ гардида, ҳолати иҷрои Қонуни Ҷумҳурии Тоҷикистон «Дар бораи уҳдадории умумии ҳарбӣ ва хизмати ҳарбӣ» мавриди муҳокима қарор гирифт.
Зикр шуд, ки сари вақт амалӣ намудани дастуру супоришҳо вобаста ба иҷрои қонуни мазкур ба беҳтар гардидани сифати даъвати шаҳрвандон ба хизмати ҳарбӣ ва ба сатҳи пешгирӣ аз содиршавии қонунвайронкуниҳо мусоидат намудааст.
Бино ба иттилои маркази матбуоти Вазорати мудофиаи ҶТ, зимни муҳокимаи бандҳои Қонуни Ҷумҳурии Тоҷикистон «Дар бораи уҳдадории умумии ҳарбӣ ва хизмати ҳарбӣ» аз масъулини вобастаи даъват қатъӣ талаб карда шуд, ки ба масоили сифати даъвати шаҳрвандон ба хизмати ҳатмии ҳарбӣ, интихоби ҷавонони болаёқат ва ба самти фаъолияти ҳамаҷонибаи комиссияҳои давлатӣ диққати ҷиддӣ дода шавад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






