Ёрӣ ба муҳоҷирон

Душанбе, 04.09.2014. (АМИТ «Ховар»). – Бо  мадади Намояндагии Вазорати меҳнат,  муҳоҷират  ва  шуғли  аҳолии  ҶТ  дар ФР оид ба  муҳоҷират  суди вилоятии  Маскав қарори навбатии  суди  шаҳри  Любертсиро дар  бораи  ихроҷи  шаҳрванди  Тоҷикистон  лағв  кард. 
Назар  ба  хабари  намояндаи Хадамоти  муҳоҷирати  ҶТ,  шаҳрванд  П.Давлатшоев  дар  аризааш  ба  унвони   намояндагӣ  изҳор  доштааст, ки  суди  шаҳри Любертси  барои баровардани  қарори  дахлдор  асоси  кофӣ  надорад.  Ба  гуфтаи  аризадиҳанда,  суди  шаҳри  мазкур ҳангоми  баровардани  қарор  дар  бораи  боз кардани  парвандаи  маъмурӣ, ки  ҳукми  ҷазоро  дар  шакли  ситонидани  ҷарима дар  ҳаҷми  5  ҳазор  рубл  ва ихроҷи  маъмурӣ  аз  қаламрави  ФР  пешбинӣ менамояд,  на  ҳамаи  вазъиятро ба  назари  эътибор  гирифтааст.
Қобили  зикр  аст, ки  бо  мусоидати  намояндагӣ  аз  моҳи  июл  то  моҳи  августи  соли  ҷорӣ  11  тасмими  судҳои районӣ  лағв  шуда,  боз якчанд  парванда  таҳти баррасӣ   қарор  дорад.